Azken Muga logoa header

AZKEN MUGA ARTIST

Marvin Liberman – Washington, AEBB
2017

Amerikar artista plastiko honek batez ere ehun osagaiekin gauzatzen du bere lana eta horrela lortzen duen emaitza arina eta etereoa da. Bolivian, La Paz-en hain zuzen, denbora luzez egoteak Andeetako eskulturen dotorezia eta euren ehun tradizio aberatsa ezagutzera eraman zuen. Gaur egun bere lan artistikoa Europan gauzatzen du.

Estudioko lanean giza neurriko eskulturak egiten ditu eta horretarako tarlatanazko gaza darabil. Horien egitura arina da, eta paretan zintzilik edo finkatuta dagoen obra bakoitzak ikuslearen barnea ukitzen du. Horretan eragiten dute obraren barne espazioak, forma inguratzaileek eta argi-itzalen jokoek.

Zarateko pagadia bezalako inguru naturalean bere esku-hartzea burutzea erronka handia da artistarentzat. Alegia, bere tolesturak eta forma organiko esanguratsuak bere inguruan txertatzea desafio itzela da; azken finean, arte obra bat beste baten barruan kokatzea da, basoa bere baitan eskulturazko fenomenoa baita.

Garatutako proiektua:
SASTREREN BASOA

Pagoen adarrekin, bertikalki jarriak eta artilea nahasirik, Marvinek bere lana sortzen du, basoaren ertzetik bidera irteten den mural natural bat, basoak bere barnean dituen beste altxor batzuk iragarriz, elementu hauen berezko antolamendua aldatuz, baina ordena naturalarekin erabat hautsi gabe, giza islapenaren emaitza den konposizio bat lortzen du, baina naturak berak lortutako perfekzioa izan daitekeena.
Artista Gehiego